LIVE TV
പ്രേക്ഷകര് ഏറെ ആവേശത്തോടെ കാത്തിരിക്കുന്ന ദുല്ഖര് സല്മാന് ചിത്രം 'ഐ ആം ഗെയിം' ന്റെ പുത്തന് പോസ്റ്റര് സോഷ്യല് മീഡിയയില് വൈറലാകുന്നു. ദുല്ഖര് സല്മാനെ അതീവ സ്റ്റൈലിഷ് ലുക്കില് അവതരിപ്പിക്കുന്ന പോസ്റ്ററാണ് പുറത്ത് വന്നിരിക്കുന്നത്.
ചിത്രത്തിന്റെ റിലീസ് തീയതി അണിയറ പ്രവര്ത്തകര് നേരത്തെ പുറത്തു വിട്ടിരുന്നു. '2026 ഓഗസ്റ്റ് 20ന് ചിത്രം തീയേറ്ററുകളിലെത്തും. തെന്നിന്ത്യയിലെ നൂറിലധികം ലൊക്കേഷനുകളിലായി ചിത്രീകരണം പൂര്ത്തിയായ ചിത്രം സംവിധാനം ചെയ്തത് നഹാസ് ഹിദായത് ആണ്. ദുല്ഖര് സല്മാന്റെ വേഫെറര് ഫിലിംസ് നിര്മ്മിക്കുന്ന ഈ ബിഗ് ബഡ്ജറ്റ് ആക്ഷന് ത്രില്ലര് 2026 ഓഗസ്റ്റില് ഓണം റിലീസായി ആഗോള തലത്തില് തീയേറ്ററുകളിലെത്തും.
ദുല്ഖറിന്റെ കരിയറിലെ തന്നെ ഏറ്റവും വലിയ ചിത്രമായാണ് 'ഐ ആം ഗെയിം' ഒരുങ്ങുന്നത്. വേഫെറര് ഫിലിംസിന്റെ ബാനറില് ദുല്ഖര് സല്മാന്, ജോം വര്ഗീസ് എന്നിവര് ചേര്ന്ന് നിര്മ്മിക്കുന്ന ചിത്രം രചിച്ചത് ഷഹബാസ് റഷീദും ആദര്ശ് സുകുമാരനും ചേര്ന്നാണ്.
മെഗാ ബ്ലോക്ക്ബസ്റ്റര് ഹിറ്റായ ലോകക്ക് ശേഷം വേഫെറര് ഫിലിംസിന്റെ ബാനറില് നിര്മ്മിച്ചു പുറത്ത് വരാന് പോകുന്ന ചിത്രം കൂടിയാണ് 'ഐ ആം ഗെയിം'. തന്റെ കരിയറിലെ ഏറ്റവും സ്റ്റൈലിഷ് ആയ ചിത്രമാണ് ഇതെന്നാണ് ദുല്ഖര് സല്മാന് അടുത്തിടെ വെളിപ്പെടുത്തിയത്. മലയാള സിനിമയിലെ തന്നെ ഏറ്റവും വലിയ ചിത്രങ്ങളിലൊന്നായി ഒരുക്കുന്ന ചിത്രം, മലയാളത്തിലെ ഏറ്റവും വലിയ റിലീസുകളില് ഒന്നായാണ് എത്താനൊരുങ്ങുന്നത്. സ്റ്റൈലിഷ്, മാസ്സ് ലുക്കിലാണ് ദുല്ഖര് സല്മാനെ ചിത്രത്തില് അവതരിപ്പിക്കുന്നത്.
Content Highlights: Dulquer Salmaan in a stylish look, new poster of 'I Am Game' goes viral on social media
